Egbert Hovenkamp II in Eext
Egbert Hovenkamp II over Cuby: “Midden jaoren zestig kreeg mien pap een neie baon bij Staotsbosbeheer, bij Natuurbehoud. Wij hebt nog een jaor in het Staotsbos Geeiten woont, daornao in Scheloo. Wij fietsten van Scheloo, over Grol hen de ULO in Raol. Naor ik meein rippeteerde C+B vaok op dönderdag; as wij dan weer van Raol naor Grol reden heurden wij op een geven ogenblik de klaanken al. Wij reden Grol binnen en ik geneut van wat ik heurde. Ik heb toendertied John Mayall zeein lopen, Van Morrison en nog wel meer.”
Kan wezen dat Egbert veur de hippies te jong was, en daornao te aold veur de punk. Hij zat, wat de tied an giet, tussen twee stoelen. Maor hij is vrij, onafhankelijk en eigenzinnig. Hij gung – en giet ok vandaag nog – zien eigen weg. Een geluk veur de Drèentse schrieverij!
Egbert Hovenkamp II is, behalve schriever en dichter, veural ok veurdrachtskuunstenaar in de beste traditie van de Amerikaanse Beatpoets, Simon Vinkenoog en Johnny the Selfkicker. Zien gedicht ERGO EEXT ECHO is ien van de weinige gedichten die ok op papier staot.
Oeze wandeling rond Eext, adressen en aandere handige informatie over Eext en umstreken kuj vinden bij Kuiern & Kieken
In het videofilmpie hierunder les Egbert Hovenkamp II zien gedicht ERGO EEXT ECHO.
As Drent Binj Altied Stoned Umdaj Tussen Hunebedden Woont
Egbert Hovenkamp II
Beatniks in EextHet Drentse Boek, Beilen
https://www.huusvandetaol.nl
