Met Jan Naarding in en um Sleen
Veul is vort, veul is veraanderd, veul is een romantisch veurstelling over Drèense cultuur en de Drèense taol – een mooi plaatie dat nooit bestaon hef. Of, met wat fantasie, maor diels bestaon hef. De Papeloze Kerk, D49, is zoe’n mooi plaatie.
Aj in Sleen wat rond wilt kieken bi‘j flink underweg tussen Slien en Noord-Sleen. In Sleen hej de Brink en de meule De Hoop; in Noord-Sleen bint de hunebedden en de tweede meule, de Alberdina. Nao daw in Sleen rondkeken hebt gaow een stukkie richting Schoonoord veur de Archeologische Wandeling bij de Papeloze Kerk. Daor zuj ok mooi hen kuiern kunnen, maor de N381, de autoweg van Emmen naor Drachten, is een haost niet te slechten barricade veur de wandelaar.Ie moet haost met de bus of auto. Of ie moet een umweg lopen.
Adressen in Sleen
- Aolde gemientehuus, Brink 1, 7841 CE Sleen, www.mfcdebrink.nl
- Grote Kerk, Brink 7, 7841 CE Sleen
- Molen de Hoop, Drostenstraat 16, 7841BM Sleen, www.sleenermolen.nl
- Molen Alberdina, Markeweg 30, 7846 AH Noord-Sleen
- Hunebedden D50 en D51, Hunebedweg,
7846 TH Noord-Sleen - Hunebed D49, De Papeloze Kerk, Slenerweg 118,
7848 AK Schoonoord
